תהלים — תנ״ך

תהלים

תנ״ך · Άδεια: CC BY 4.0 (OSHB/WLC) · Πηγή

• אלהים צבאות השיבנו והאר פניך ונושעה Ps.80.8
• גפן ממצרים תסיע תגרש גוים ותטעה Ps.80.9
• פנית לפניה ותשרש שרשיה ותמלא ארץ Ps.80.10
• כסו הרים צלה וענפיה ארזי אל Ps.80.11
• תשלח קצירה עד ים ואל נהר יונקותיה Ps.80.12
• למה פרצת גדריה וארוה כל עברי דרך Ps.80.13
• יכרסמנה חזיר מיער וזיז שדי ירענה Ps.80.14
• אלהים צבאות שוב נא הבט משמים וראה ופקד גפן זאת Ps.80.15
• וכנה אשר נטעה ימינך ועל בן אמצתה לך Ps.80.16
• שרפה באש כסוחה מגערת פניך יאבדו Ps.80.17
• תהי ידך על איש ימינך על בן אדם אמצת לך Ps.80.18
• ולא נסוג ממך תחינו ובשמך נקרא Ps.80.19
• ה׳ אלהים צבאות השיבנו האר פניך ונושעה Ps.80.20
• למנצח על הגתית לאסף Ps.81.1
• הרנינו לאלהים עוזנו הריעו לאלהי יעקב Ps.81.2
• שאו זמרה ותנו תף כנור נעים עם נבל Ps.81.3
• תקעו בחדש שופר בכסה ליום חגנו Ps.81.4
• כי חק לישראל הוא משפט לאלהי יעקב Ps.81.5
• עדות ביהוסף שמו בצאתו על ארץ מצרים שפת לא ידעתי אשמע Ps.81.6
• הסירותי מסבל שכמו כפיו מדוד תעברנה Ps.81.7
• בצרה קראת ואחלצך אענך בסתר רעם אבחנך על מי מריבה סלה Ps.81.8
• שמע עמי ואעידה בך ישראל אם תשמע לי Ps.81.9
• לא יהיה בך אל זר ולא תשתחוה לאל נכר Ps.81.10
• אנכי ה׳ אלהיך המעלך מארץ מצרים הרחב פיך ואמלאהו Ps.81.11
• ולא שמע עמי לקולי וישראל לא אבה לי Ps.81.12
• ואשלחהו בשרירות לבם ילכו במועצותיהם Ps.81.13
• לו עמי שמע לי ישראל בדרכי יהלכו Ps.81.14
• כמעט אויביהם אכניע ועל צריהם אשיב ידי Ps.81.15
• משנאי ה׳ יכחשו לו ויהי עתם לעולם Ps.81.16
• ויאכילהו מחלב חטה ומצור דבש אשביעך Ps.81.17
• מזמור לאסף אלהים נצב בעדת אל בקרב אלהים ישפט Ps.82.1
• עד מתי תשפטו עול ופני רשעים תשאו סלה Ps.82.2
• שפטו דל ויתום עני ורש הצדיקו Ps.82.3
• פלטו דל ואביון מיד רשעים הצילו Ps.82.4
• לא ידעו ולא יבינו בחשכה יתהלכו ימוטו כל מוסדי ארץ Ps.82.5
• אני אמרתי אלהים אתם ובני עליון כלכם Ps.82.6
• אכן כאדם תמותון וכאחד השרים תפלו Ps.82.7
• קומה אלהים שפטה הארץ כי אתה תנחל בכל הגוים Ps.82.8
• שיר מזמור לאסף Ps.83.1
• אלהים אל דמי לך אל תחרש ואל תשקט אל Ps.83.2

ΠίσωΕπόμενα →Βιβλία γνωμικών